Noyabrın 24-də UEFA Avropa Liqasının qrup mərhələsinin V turunun oyununda "Qəbələ” Belçikanın "Anderlext” komandasını qəbul edəcək. Sportfm.az xəbər verir ki, "Bakcell Arena”da baş tutacaq "Qəbələ” – "Anderlext” matçı öncəsi baş məşqçilərin mətbuat konfransı keçirilir. İlk olaraq jurnalistlərin önünə "Qəbələ”nin baş məşqçisi Roman Qriqorçuk və komandanın forvardı Baqali Dabo çıxıb. Forvard qələbə qazanmaq üçün əllərindən gələni edəcəklərini bildirib:

"Komandamın qalib gəlməsi üçün əlimdən gələni edəcəm. Oyuna tam hazıram. Belçikalıların səfərdə qələbə qazanmaması haqqında düşünmürük. Bunun bu görüşdə təsiri olacağını zənn etmirəm".