Koronavirus pandemiyasına görə dayandırılmış Gürcüstan çempionatının bərpa tarixi tam bəlli olub.

Sportfm.az xəbər verir ki, bu barədə Gürcüstan Futbol Federasiyasının rəsmi saytı məlumat yayıb.

Xəbərdə bildirilir ki, Gürcüstan çempionatı iyunun 25-dən bərpa olunacaq. Yarışın bərpasından öncə iştirakçı 10 klubun bütün futbolçuları və məşqçilər korpusu koronavirus testindən keçəcək.

Federasiya yaranmış vəziyyətlə əlaqədar çempionatın formatında da dəyişiklik edib. Belə ki, yarış öncədən nəzərdə tutulduğu kimi 4 yox, 2 dövrədən ibarət olacaq. Bütün oyunlar da azarkeşsiz keçiriləcək.

Gürcüstan çempionatı koronavirus pandemiyasına görə martda, 2-ci turdan sonra təxirə salınmışdı.

Oxşar xəbərlər

Gürcüstan çempionatının bərpa tarixi açıqlandı - Azərbaycanlı futbolçu testindən keçəcək

Çempionatın bərpa tarixi bilindi

MLS-də fasilə müddəti uzadıldı - Rəhbərlik açıqladı

Ölkə çempionatına iyunun 10-da start veriləcək - Qərar

Gürcüstanda futbol matçları keçirilməyəcək - Koronavirus dəhşəti