«Neftçi» Ceyms Adeniyini transfer etmək məqsədilə «Qəbələ» ilə danışıqlşara başlayıb.

Sportfm.az xəbər verir ki, nigeriyalı hücumçu ağ-qara formanı geyinməyə razıdır.

Afrikalı legionerlə şəxsi müqavilə şərtlərində ortaq məxrəcə gəlmək mümkün olub. İndi qalır «Qəbələ»nin daşı ətəyindən tökməsi. «Qırmızı-qaralar» sözləşməsi gələn ilin yayında başa çatacaq Adeniyinin gedişinə əngəl yaratmaq istəmir.

Sadəcə, bunun üçün təzminat ödəmək lazımdır. Burada söhbət 100 min dollar civarında məbləğdən gedir.

«Neftçi» göstərilən rəqəmi aşağı çəkmək üçün danışıqları intensivləşdirib və klub rəhbərliyi ümid edir ki, önümüzdəki günlərdə qarşı tərəfi güzəştə razı slmaq mümkün olacaq.

Samir Abasov da bunu tələb edir. Prins İbaranı düşərgədən göndərən baş məşqçi Adeniyini israrla sərəncamında görmək istəyir. (sportinfo.az)

Oxşar xəbərlər

U-16 Liqası: "Bürünc""Neftçi"!

U-16 Liqası: "Neftçi" "bürünc"ün bir addımlığında

Mərkəzi oyun "Neftçi Baza"da baş tutacaq

U-16 Liqası, 21-ci tur: Tovuzda derbi var

U-17 Liqası: Mərkəzi oyunda bərabərlik