Bu gün səhər Antalyada "Trabzonspor"un məşqlərinə qatılmayan Azərbaycan millisinin futbolçusu Ramil Şeydayevin hansı kluba keçəcəyi tədricən müəyyənləşməkdədir.

Qaynarinfo.Az xəbər verir ki, türk mediası müxtəlif cür variantları yazırlar. Bəziləri artıq 20 yaşlı hücumçunun "Samsunspor"a mövsümün sonuna kimi icarəyə verildiyini yazır. Lakin Türkiyənin I dəstə klubunun rəsmi saytı hələ də susqunluğunu qoruyur. 

Ancaq digər bir mənbə isə onun "Trabzonspor"da məşqlərə qatılmamasının səbəbini baş məşqçi Ərsun Yanalın futbolçuya onunla maraqlanan 2 klubla danışığa icazə verməsi ilə əlaqələndirir. Aydın məsələdir ki, bu klublardan biri "Samsunspor"dur. Lakin hər şey Ramilin seçimindən asılı olacaq.