“Fulhem” növbəti mövsümdə İngiltərə Premyer Liqasında mübarizə aparmayacaq.

Sportfm.az xəbər verir ki, sözügedən komanda ölkə çempionatının 35-ci turunda doğma meydanda “Bernli”yə 0:2 hesabıyla uduzmaqla elitada qalmaq şansını itirib.

Hazırda 27 xalı olan “Fulhem” son üç turda qalib gəlsə belə, Premyer Liqada qalmağa imkan verən 17-ci pillədəki “Sauthempton”a (37 xal) çata bilməyəcək.

Beləliklə, London təmsilçisi İngiltərə futbolunun elitasına qayıtdıqdan sonra ilk mövsümündəcə Premyer Liqanı tərk edib. “Fulhem”dən öncə sonuncu yeri tutan “Şeffild Yunayted” və 19-cu sırada qərarlaşmış “Vest Bromviç” də elitanı tərk etmişdi. 

Oxşar xəbərlər

Premyer Liqanı tərk edəcək ilk komanda - “Norviç Siti”

“Vulverhempton”un səfər qələbəsi - Premyer Liqa

"Vulverhempton" evdə məğlub oldu - Premyer Liqa

“Çelsi” “Everton” səfərində - AFİŞA

Premyer Liqanı tərk edəcəklər