Ötən il Azərbaycanda 53 Olimpiya İdman Kompleksi və idman qurğularına xidmət göstərilməsinə 8,8 milyon manat yönəldilib.

Sportfm.az xəbər verir ki, bu barədə "2020-ci il dövlət büdcəsinin icrası haqqında" qanun layihəsində bildirilir.

Sənəddə həmçinin deyilir ki, məqsəd gənclərin idmana həvəsinin artırılması, onların potensiallarının üzə çıxarılması və ümumilikdə idmanın kütləviliyinin təmin edilməsindən ibarətdir.

Lənkəran, Yardımlı, Tərtər, Beyləqan, Neftçala, Goranboy rayonlarında Olimpiya İdman komplekslərinin, Bakıda Azərbaycan Olimpiya Hərəkatı və İdman Muzeyinin tikintisi və Respublika Olimpiya Mərkəzinin təmiri üçün 33,6 milyon manat, Mehdi Hüseynzadə adına Sumqayıt şəhər stadionunun yenidən qurulmasına 5 milyon manat vəsait sərf edilib.

2020-ci ildə bədən tərbiyəsi və gənclər siyasəti üzrə isə ümumilikdə 34,1 milyon manat xərc çəkilib.

Oxşar xəbərlər

AFFA-nın idman qurğularına ayırdığı vəsait açıqlandı

İdmançıların mükafat məbləği məlum oldu

Olimpiya Oyunlarına ayrılan büdcə artırıldı

Azərbaycanda daha 4 Olimpiya Kompleksi tikiləcək

Azərbaycanda idman obyektlərinin tikintisinə nə qədər vəsait xərclənəcək?