Mövsümün ikinci yarısına hazırlığı Antalyada davam etdirən "Qəbələ”nin əvəzedicilərdən ibarət komandası ilk yoxlama oyununu keçirib.

 

Sportfm.az xəbər verir ki, Hüseynqulu Quliyevin komandası Albaniyanın "Partizani” klubu ilə qarşılaşıb. Görüş albanların 6:2 hesablı qələbəsi ilə başa çatıb. Türkiyədəki təlim-məşq toplanışına yanvarın 14-də start verən əvəzedicilər daha iki yoxlama oyununda qüvvəsini sınayacaq.

Xatırladaq ki, bir neçə gün öncə "Qəbələ"nin əsas komandası da "Partizani" ilə oyunda qüvvəsini sınamış, 1:2 hesabıyla uduzmuşdu.

 

Qollar: Rövlan Muradov, 25. Nurlan Quliyev, 39 - Qezim Krasniqi, 2. Mentor Mazrekay, 5; 22. Sodiq Atanda, 28. Realdo Fili, 41. Ardit Yaupay, 88.