Azərbaycan boksçusu Alfonso Dominqes Fransada keçirilən Avropa Olimpiya Təsnifat Turnirinin qalibi olub.

Sportfm.az xəbər verir ki, 81 kq çəki dərəcəsində mübarizə aparan milli üzvü döyüşə çıxmadan çempion tituluna yiyələnib. Buna idmançımızın rəqibi – Benjamin Uitakerin (Böyük Britaniya) final qarşılaşmasından imtina etməsi səbəb olub.

Beləliklə, Avropa Olimpiya Təsnifat Turniri yığmamız üçün başa çatıb. Yarışı Alfonso Dominqes qızıl, Lorenzo Sotomayorla (69 kq) Məhəmməd Abdullayev (+91 kq) bürünc medalla başa vurub.

Bundan başqa, Tayfur Əliyev (57 kq) və Cavid Çələbiyev (63 kq) Tokio-2020 Yay Olimpiya Oyunlarına lisenziya əldə edib.

Oxşar xəbərlər

Sotomayor Tokio-2020-yə lisenziya qazandı

Daha bir boksçumuz lisenziya üçün mübarizə aparacaq - Tokio-2020

Daha bir boksçumuzdan lisenziya - Tokio-2020

Boksçularımız təsnifat turnirində mübarizə aparacaqlar - Parisdə

Boksçularımız Fransaya yola düşdü - Təsnifat Turniri