Azərbaycanın futzal üzrə yüksək liqasının beşinci turu çərçivəsində “Xilə FK” və “Alyans Lənkəran” komandalarının görüşündən əvvəl təqdirəlayiq bir epizod yaşanıb. Belə ki, “Xilə FK” oyuna Əmircan qəsəbəsinin (keçmiş Xilə kəndi) müharibə iştirakçıları, 44 günlük ikinci Qarabağ müharibəsinin qəhrəmanları Elxan Quliyev və Elmar Lətifovu dəvət edib. Oyundan öncə qəhrəmanlarımıza klub tərəfindən təşəkkürnamə, Azərbaycanın futzal federasiyası tərəfindən isə milli komandanın oyun formaları təqdim olunub.
Sportfm.az əbər verir ki, şanlı Ordumuzun, 6-cı ordu korpusunun 285 nömrəli motoatıcı hərbi hissənin əsgərləri Quliyev Elxan Ağayüsif oğlu və Lətifov Elmar Orduxan oğlu II Qarabağ döyüşlərində, Fizüli, Cəbrayıl və Qubadlı azadlığı uğrunda gedən döyüşlərdə göstərdiyi qəhrəmanlıqa görə, Cənab Prezident, Ali baş komandan İlham Əliyev tərəfindən medal və ordenlə layiq görülüb.

Oxşar xəbərlər

"Xilə" Yüksək Liqadan kənarlaşdırıldı - Oyuna getmədiyi üçün

"Qarabağ" "Xilə" ilə üz-üzə gələcək - Azərbaycan Kuboku

Azərbaycan klubunun oyunu təxirə salındı - Kütləvi yoluxma

Lənkəran kllubu məğlub oldu - Yüksək Liqa

Azərbaycan futzalında yeni ad - Xilə FK