Bu gün Azərbaycan millisinin son 3 cüdoçusu Fransanın paytaxtı Parisdəki Böyük Dəbilqədə xalça üzərinə çıxacaq.

Sportfm.az xəbər verir ki, idmançıların hər üçü mübarizəyə 1/8 finaldan başlayacaq.

90 kq-da yer alan Məmmədəli Mehdiyev Rafael Masedo (Braziliya) / Nqayap Hambu (Fransa) cütünün qalibi ilə üz-üzə gələcək.

100 kq-da mübarizə aparan Zelim Kotsoyev Pyotr Kuçeranı (Polşa) sınağa çəkəcək. 100 kq-dan yuxarı çəkidəki isə Uşangi Kokauri xalça üzərinə çıxacaq. Onun rəqibi Marvin Qado (Monako) olacaq.

Qeyd edək ki, Böyük Dəbilqənin ilk günündə mübarizəyə qoşulmuş cüdoçulardan Kəramət Hüseynov (60 kq), Hidayət Heydərov və Rüstəm Orucov (hər ikisi 66 kq) medalsız qalıblar.

Oxşar xəbərlər

Fransada 2 gümüş medal - “Böyük Dəbilqə”

İki cüdoçumuz "Böyük Dəbilqə"sinin finalında

Hidayət Heydərov Teo Riquinə qarşı - Böyük Dəbilqədə mübarizə başlayır

Azərbaycan cüdoçularının ilk rəqibləri - Böyük Dəbilqə

Son 3 cüdoçumuz mübarizəyə başlayır - Böyük Dəbilqə