“Neftçi”nin məşqçilər korpusuna daha bir təyinat olub.

Sportfm.az xəbər verir ki, köməkçi məşqçi Nikolay Qriqori ilə 2 illik müqavilə bağlanıb.

Nikolay Qriqori 1983-cü il iyulun 19-da Rumıniyanın Buxarest şəhərində anadan olub. Futbolçu kimi Rumıniya milli komandasının da üzvü olmuş Qriqori 2018-ci ildə məşqçiliyə başlayıb. 2018-2020-ci illərdə Buxarest “Rapid”inin U-17 komandasında baş məşqçi, əsas komandasında köməkçi məşqçi işləyib. 2020-ci ildə Rumıniya U-21 milli komandasında köməkçi məşqçi kimi çalışmış mütəxəssis 2020/2021 mövsümündə “Rapid”in baş məşqçisi olub. 2021-ci ildə “Universitatya”da (Krayova) baş məşqçi Laurentsiu Regekampfın köməkçisi olan Nikolayın sonuncu klubu “Metaloqlobus” (2021-2022) olub.

Qeyd edək ki, bundan əvvəl 42 yaşlı Viorel Dinu köməkçi məşqçi, 34 yaşlı Boqdan-Kornel Merişanu fiziki hazırlıq üzrə məşqçi, 54 yaşlı Florin Tene isə qapıçılar üzrə məşqçi vəzifəsinə təyin olunmuşdu.

Oxşar xəbərlər

"Neftçi"də rumıniyalı məşqçi - 2 illik müqavilə

Regekampfın "Neftçi"dəki köməkçiləri bəlli oldu

Bakı klubu ispaniyalı məşqçi ilə müqavilə bağladı - RƏSMİ

"Neftçi" yeni məşqçi ilə müqavilə bağladı - RƏSMİ

"Sabah"da xorvatiyalı baş məşqçi - təyinat