Misli Premyer Liqasında 10-cu turun oyunları keçirilir.

Sportfm.az xəbər verir ki, şənbə günü daha 2 qarşılaşma baş tutacaq.

Əvvəlcə “Turan Tovuz” doğma azarkeşləri qarşısında “Səbail”i sınağa çəkəcək.

Günün digər matçı mövsümün uğurlu komandalarından olan “Sabah”la “Zirə” arasında baş tutacaq.

Xatırladaq ki, ilk oyun günündə “Şamaxı” doğma meydanda “Qəbələ” ilə “sülh bağlayıb” – 1:1. Tura sabah keçiriləcək “Kəpəz” - “Neftçi” və “Qarabağ” - “Sumqayıt” oyunları ilə yekun vurulacaq.

Misli Premyer Liqası
10-cu tur
15 oktyabr

“Turan Tovuz” – “Səbail”
Hakimlər: Kamal Umudlu, Rəhman İmami, Vüsal Məmmədov, Kamranbəy Rəhimov
Tovuz şəhər stadionu, 15:00.

“Sabah” – “Zirə”
Hakimlər: Elçin Məsiyev, Elşad Abdullayev, Pərvin Talıbov, Cavid Cəlilov
Masazır. “Bank Respublika Arena”, 17:30.