AFFA prezidenti Rövnəq Abdullayev növbəti mövsümə kimi 12 stadionun ot örtüyünün AFFA tərəfindən dəyişdiriləcəyi haqda açıqlama vermişdi.

 İlk növbədə onu bildirək ki, stadionların çoxu adət etdiyimiz kimi, süni örtük olacaq. Çünki AFFA-nın xətti ilə tikilən və təmir edilən stadionların çoxunun qazonu süni olur. Siyahıya gəlincə, burada Gəncə, İmişli, "Azal Arena", "İnter Arena" və "Bayıl Arena" kimi stadionların adları var. Gəncə və İmişli stadionlarının təbii, ya süni olması haqda hələlik qərar verilməyib. Lakin paytaxtdakı digər 3 stadiona yenidən süni örtük döşənəcəyi gözlənilir.