Bayıl stadionunda AFFA-nın İcraiyyə Komitəsinin iclası keçirilib.

Sportfm.az xəbər verir ki, saat 10:00-da başlayan iclasdan sonra AFFA prezidenti Rövnəq Abdullayev açıqlama verib: UEFA-nın dəstəyi ilə tikilən yeni bazamız istifadəyə verilib. Burda yüksək şərait yaradılıb. İcraiyyə Komitəsinin iclasında son zamanlar futbol oyunlarında baş verən manipulyasiya halları ilə bağlı geniş müzakirələr aparılıb. Futbolla məşğul olan şəxslər belə oyunlarda iştirak etməməlidir. "Keşlə"nin futbolçuları ilə bağlı hadisəni hamı bilir. Sumqayıtda 2 təbii ot örtüklü stadion tikiləcək. Belə stadionlardan biri Bakıda da tikiləcək."Kəpəz"də pozuntuya cəhd edilmişdi, bunun qarşısını aldıq. Biz istəyirik ki, Region Liqasında çıxış edən komandaların biri Birinci Diviziona çıxsın, ordan bir klub isə Premyer Liqaya vəsiqə qazansın. Yeni tikilən stadionların adları kommersiya xarakterli olacaq. Futbolçu futbol oynamalıdır, meydana başqa məqsədlər üçün çıxırsa, bu artıq cinayətdir. 2018-ci ildə futbolumuzu önəmli sınaqlar gözləyir. Mən özüm mərc oyunları oynamıram, sizə də məsləhət görmürəm.