Qış fasiləsində heyətini gücləndirən “Neftçi” İK ikisi legioner olmaqla dörd futzalçı ilə müqavilə imzalayıb.

Sportfm.az xəbər verir ki, geridə qalan 10 oyunda 20 xal toplayan və 3-cü pillədə qərarlaşan paytaxt təmsilçisi vaxtilə ölkəmizdə müxtəlif klublarda çıxış etmiş iralı legionerlər Ali Mikaeli və Beyhaz Hassanzade ilə anlaşıb.

Birvaxtlar “Xəzər Cənub” və “Araz Naxçıvan”ın uğurları üçün çalışan Mikaeli Tacikistan çempionatında “Soro compony” ilə qızıl medal qazanıb. Behzad da azarkeşlər üçün yad sima deyil. O, 2018/19 mövsümündə “Xəzər Cənub”la Azərbaycan çempionatının gümüş medallarını qazanıb, Bakıya gələnə qədər Təbrizin “Rəhsu” klubunda çıxış edib.

“Neftçi” İK yayda Almaniyanın “Ştutqart” klubu ilə anlaşan və bu komanda ilə UEFA Çempionlar Liqasının ilkin mərhələsində iştirak edən Fərid Atakişiyevi də heyətinə cəlb edib. Digər transfer isə Samir Mehtiyevdir. O, qış fasiləsinə qədər Birinci Liqada “Alyans Qrup”un qapısını qoruyub.

“Qış transfer pəncərəsi” zamanı komandanı Emin Kürdov, Rüstəm Bağırov, İbrahim Zeynalov və Kənan Manafov tərk edib.

Oxşar xəbərlər

Azərbaycan çempionundan 6 yeni futbolçu - Transfer

Naxçıvan klubu yenə braziliyalılara üz tutdu - Transfer

Azərbaycan çempionatında pley-off həyəcanı başlayır

EKOL-un yeni transferi kənarda qalacaq

Legioner oyunçu "Neftçi"yə kömək edə bilməyəcək