Bu gün Azərbaycan Voleybol Federasiyasının prezidenti Cavid Qurbanov qadınlardan və kişilərdən ibarət milli komandalarla, hakimlərlə, federasiya işçiləri ilə görüşüb. 

Sportfm.az saytı xəbər verir ki, tədbirdə çıxış edənlər yeni təyinatdan sonra federasiyada görülən müsbət işlərdən söhbət açıb və gələcək planlar barədə danışıblar. İslam Həmrəylik oyunlarında ölkəmizi təmsil edəcək yığmalarımızdan, idman komplekslərində görüləcək işlərdən bəhs olunub. Görüşdə çıxış edən Cavid Qurbanov hər kəsə uğurlar arzulayıb. Ortaya çıxan bütün problemləri həll etməyə çalışacaqlarını deyən federasiya prezidenti, böyük nailiyyətlər qazanmaq üçün səylərini ortaya qoyacaqlarını bildirib.