Portuqaliya Premyer Liqasında 31-ci turun matçlarına start verilib. 

Sportfm.az xəbər verir ki, yığmamızın üzvü Emin Mahmudovun şərəfini qoruduğu "Boavişta" evdə bir müddət əvvəl Elnur Cəfərovun müqavilə imzaladığı "Tondela"nı qəbul edib. Meydan sahibləri rəqibinə 1-0 hesabı ilə qalib gəlib. Oyuna ehtiyat oyunçular skamyasında başlayan Mahmudov 61-ci dəqiqədə meydana daxil olub. O, Anderson Karvalyonu əvəzləyib.

Qeyd edək ki, "Boavişta" 31 turdan sonra 38 xalla turnir cədvəlinin 8-ci pilləsində qərarlaşıb.