Sportfm.az xəbər verir ki, Azərbaycan Hava Yolları QSC-nin prezidenti, AZAL PFK-nın himayədarı Cahangir Əsgərov qızına toy edib. Onun bu qızı da əcnəbi ilə ailə qurub. Mila Əsgərovanın həyat yoldaşı ingilis Robert Nortondu. 

 

Toy mərasimi Bakıda baş tutub. Bazar günü keçirilən şadlıq məclisində AZAL-ın prezidenti Zaur Axundovla yanaşı, daha 2 klubun sahibi iştirak edib. Mila Əsgərova Londonda tanınmış incəsənət mütəxəssislərindən biridi. Eləcə də, "Gazelli Art House” incəsənət qalereyasının təsisçisi və rəhbəridi. Həyat yoldaşı Robert Norton isə "Sedition art" və "Saatchi Online" şirkətlərinin keçmiş həmtəsisçisi və icraçı direktoru olub. Həmçinin bir vaxtlar "Reuters" agentliyində müxbir çalışıb. 

 

Əsgərovun digər qızı Cəmilə "Gazelli Azerbaijan" kosmetika şirkətinin təsisçisi və kreativ direktorudu. Onun ispan əsilli həyat yoldaşı Iqnasio Coraci isə "Azərbaycan Hava Yolları UK Limited" şirkətinin katibidi.