Azərbaycan cüdoçuları Özbəkistanın paytaxtı Daşkənddə keçirilən beynəlxalq təlim-məşq toplanışında iştirak edirlər.
Sportfm.az xəbər verir ki, hazırlıq prosesi sentyabrın 7-dək davam edəcək.

Avropa Cüdo Birliyinin təşkilatçılığı ilə baş tutan toplanışa Azərbaycan, Özbəkistan, Qazaxıstan, Türkmənistan, Tacikistan, Qırğızıstan, Türkiyə, Finlandiya, Yunanıstan, Moldova, Küveyt, Tanzaniya və İsraildən 400-ə yaxın idmançı qatılıb.

Hazırlıq prosesində Azərbaycanın cüdo üzrə böyüklərdən ibarət milli komandasının 27 üzvü yer alıb.

Cüdoçulara ACF-nin vitse-prezidenti Elnur Məmmədli başda olmaqla böyüklərdən ibarət yığmanın baş məşqçisi Riçard Trautman, böyüklərdən ibarət yığmanın böyük məşqçiləri Mehman Əzizov və Slavko Tekiç rəhbərlik edir.

Toplanış 22-24 sentyabrda Bakıda keçiriləcək Böyük Dəbilqə tunirinə və Fransanın Monpelye şəhərində keçiriləcək böyüklər arasında Avropa çempionatına hazırlıq məqsədi daşıyır.

Oxşar xəbərlər

Tiflisə 15 cüdoçu ilə yollanırıq

Yığmamızın Qazaxıstan toplanışı başa çatdı

Bakıda beynəlxalq toplanış keçirilir

Bu dəfə toplanış üçün Antalyaya yollandılar

Millimiz bu dəfə Almaniyada hazırlaşır