Azərbaycanın kişi və qadınlardan ibarət həndbol komandaları məşqlərə başlayıblar.
Sportfm.az xəbər verir ki, Avropa Həndbol Federasiyası (EHF) kuboku uğrunda yarışlarda iştirak edəcək təmsilçilərimiz avqustun 15-dən hazırlıq keçirlər.

Artıq qadınlardan ibarət komandaların oyunlarının vaxtı və keçiriləcək məkanlar müəyyənləşib.

Yarışa 1/32 final mərhələsindən qatılacaq təmsilçilərimizdən “Azəryol” Bosniya və Hersoqovinanın “ZRK Krivaja” komandası ilə 30 sentyabr – 1 oktyabr tarixlərində rəqib meydanında görüşəcək.

“Qarabağ” da İspaniyanın “KH-7 BM Granollers” kollektivi ilə sentyabrın 30-u və oktyabrın 1-də səfərdə qarşılaşacaq. “Kür” isə İtaliyanın “Jomi Salerno” komandası ilə 23-24 sentyabr tarixlərində Mingəçevir “Kür” Olimpiya İdman Mərkəzində üz-üzə gələcək.
İki oyunun nəticəsinə görə üstünlük qazanan komanda növbəti mərhələyə adlayacaq.

Kişilərdən ibarət “Azəryol” 1-ci mərhələnin “Amber” (Litva) – “Brixen” (İtaliya) cütünün qalibinə rəqib olacaq. “Kür” isə Xorvatiyanın “MRK Sesvete” kollektivi ilə mübarizə aparacaq. İlk oyunlar oktyabrın 14-15-də, cavab matçları oktyabrın 21-22-də keçiriləcək.

Oxşar xəbərlər

“Kür”də "Kür" “Sesvete”ni qəbul edəcək

3 həndbol komandamız Avropa Kubokunda çıxış edəcək

“Azəryol”un oyunlarının vaxtı və yeri müəyyənləşdi - Avropa kuboku

Ölkə çempionatında 10 komanda mübarizə aparacaq

Komandalarımızın avrokubok yarışlarındakı rəqibləri məlum oldu