Şəhriyar Əliyev Azərbaycan çempionatlarında 250-ci oyununu keçirib.
Sportfm.az xəbər verir ki, “Turan Tovuz”un kapitanının yubileyi Misli Premyer Liqasının VII turuna təsadüf edib.

31 yaşlı müdafiəçi “Sumqayıt”la səfər oyununda (0:0) meydana çıxıb. Şəhriyar 250 matçda 11 qol vurub. O, ölkə çempionatları tarixində 250 və daha çox oyun keçirən 71-ci futbolçudur.

Premyer Liqada 2011/12 mövsümündə “Bakı”nın heyətində debüt edən Əliyev indiyədək 6 klubda forma geyinib. Paytaxtın eyniadlı klubunda 54, “Qarabağ”da 2, “Kəpəz”də 76 (2 qol), “Sumqayıt”da 34 (3 qol), “Şamaxı”da 45 (2 qol) matça çıxan futbolçu indiki klubunda 39 oyunda (4 qol) forma geyinib.

Oxşar xəbərlər

“Səbail”in müdafiəçisi 200-cü oyununu keçirdi

Bədavi “250”yə çatdı

Namik də 200-ü haqladı

150-ci oyun, 30-cu qol - Misli Premyer Liqası

Emin Mahmudov üçün yubiley matç