2018-ci ildə futbol üzrə Dünya Çempionatı Rusiyada keçiriləcək. 

Sportfm.az xəbər verir ki, artıq 100-dən çox ölkənin telekanalları dünyanın ən böyük futbol turnirini yayımlayacağını bəyan edib. Son illər Rusiya ilə münasibətləri gərginləşən Ukrayna isə DÇ-2018 yayımlamaqdan imtina edir. Bu ölkənin Milli Televiziya və Radio şirkətinin rəhbəri Zurab Alasaniya yerli mətbuata müsahibəsində bildirib ki, Ukrayna yığması Rusiyaya yollansa belə onlar bu turniri göstərməyəcəklər. 

Qeyd edək ki, Dünya Çempionatı 14 iyun 2018-ci ildə start götürəcək. 15 iyulda başa çatacaq turnir Rusiyanın 11 şəhərində baş tutacaq.