Bakıda AVRO-2024-ün seçmə mərhələsində keçiriləcək Azərbaycan - İsveç oyunundan əvvəl mətbuat konfranslarının vaxtı bəlli olub.
Sportfm.az xəbər verir ki, noyabrın 15-də, saat 14:45-də matçın reallaşacağı Tofiq Bəhramov adına Respublika stadionunda qonaqların açıq məşqi, saat 16:00-da baş məşqçi Yanne Anderssonun mətbuat konfransı olacaq.

Həmin gün saat 18:00-da isə “Dalğa Arena”da Azərbaycan millisinin baş məşqçisi Canni De Byazi jurnalistlər önünə çıxacaq. Yarım saat sonra yığmanın açıq məşqi gerçəkləşəcək.

Qeyd edək ki, noyabrın 16-da gerçəkləşəcək Azərbaycan - İsveç görüşü saat 21:00-da start götürəcək. F qrupunda yer alan millimiz 6 oyundan sonra 4 xalla 4-cü pillədə qərarlaşıb. Hesabında 7 xal olan İsveç üçüncüdür.

Oxşar xəbərlər

“Zirə” – “Dunayska Streda” - Mətbuat konfranslarının vaxtı

Qurban Qurbanov mətbuat önünə çıxır

Qurbanovun mətbuat konfransının vaxtı açıqlandı - Avropa Liqası

Millimizin açıq məşqi olacaq - DÇ-2024

"Ürəyimizi ortaya qoyuruq" - Canni De Byazi