AFFA İntizam Komitəsinin bugünkü iclasında aşağı yaş qrupları üzrə komandalarla bağlı da qərarlear verilib.

Sportfm.az xəbər verir ki, U-10 liqasında yer alan “Xətai” və U-11 liqasında mübarizə aparan “Qoşqar” mövsüm ərzində 3-cü dəfə oyuna çıxmadıqlarına görə çempionatdan kənarlaşdırılıb.

“Xətai” “Zirə” ilə görüşə təyin olunan vaxtda gəlməyib, Gəncə təmsilçisi “Qoşqar”ın isə “Gəncəvi” ilə qarşılaşmada heyətində yetərsay olmayıb.

Daha iki komandaya isə texniki məğlubiyyət verilib. U-10 Liqasında keçirilməli olan “Binə” - “Zəngəzur” oyununda ikincilərin heyətində yetərsay olmayıb. Mövsümdə ikinci dəfə bu hal yaşandığından, “Zəngəzur”a 0:3 hesablı texniki məğlubiyyət verilib. Yüksək Qızlar Liqasının “Sumqayıt” – “Şəmkir” oyununda isə “Şəmkir” Əsasnamə qaydalarını pozaraq, protokolda adı olmayan və digər komandada qeydiyyatdan keçmiş Aysel Ziyadovanı meydana buraxıb. Bu, “Şəmkir”in texniki məğlubiyyət alması ilə nəticələnib.

Oxşar xəbərlər

2 komandaya texniki məğlubiyyət verildi - QƏRAR

3 komandaya texniki məğlubiyyət verildi

"Şəmkir"ə texniki məğlubiyyət verildi

AFFA uşaq komandalarına cəza yağdırdı

6 komandaya texniki məğlubiyyət verildi