Slovakiya Fortuna Liqasında 2016/17 mövsümünə yekun vurulub.

Sportfm.az xəbər verir ki, sonuncu - 33-cü turda millimizin üzvü Ramil Şeydayevin çıxış etdiyi "Jilina" evdə "Podbrezova" üzərində 4:0 hesablı qələbə qazanıb. Matça ehtiyat oyunçular skamyasında başlayan Ramil 61-ci dəqiqədə meydana daxil olub.

O, 82 və 89-cu dəqiqələrdə qol vurub. "Jilina" Slovakiya çempionluğunu bir neçə tur əvvəlcədən təmin edib. Komanda liqanı 73 xalla başa vurub.