Şimali İrlandiya millisinin baş məşqçisi Maykl O`Nil DÇ-2018-in seçmə mərhələsində millimizlə iyunun 10-da keçiriləcək oyundan danışıb.

Sportfm.az xəbər verir ki, o, açıqlamasında Bakıdakı matçın çox vacıb olduğunu deyib:"Hazırda Azərbaycanı 3 xal, səfərdə Norveçlə qarşılaşacaq Çexiyanı isə 2 xal qabaqlayırıq. Rəqibimiz qrupda vəziyyətini yaxşılaşdırmaq üçün xal və ya xallar qazanmaq istəyir. Özümüzdən aşağı pillələrdəki komandalarla xal fərqini saxlamalı və mümkün qədər daha yaxşı oynamalıyıq. Almaniyanın San Marino ilə görüşdə 3 xal qazanacağını nəzərə alsaq, Bakıdakı oyunda 3 xal bizim üçün qrupdakı impulsu qorumaq baxımından da önəmlidir".

Qeyd edək ki, Tofiq Bəhramov adına Respublika stadionunda keçiriləcək Azərbaycan - Şimali İrlandiya oyunu iyunun 10-u saat 20:00-da başlayacaq.