“Bakı Metropoliteni” QSC martın 7-də Avropa Liqasının 1/8 finalının "Qarabağ" - "Bayer" (Almaniya) oyununa görə gücləndirilmiş iş rejimində çalışacaq.

Sportfm.az xəbər verir ki, bu barədə Ağdam təmsilçisinin mətbuat xidməti məlumat yayıb.

“Qarabağ” qarşılaşmanın gec saatlarda başlaması ilə əlaqədar “Bakı Metropoliteni” QSC-yə metropolitenin iş rejimində dəyişiklik edilməsi barədə müraciət ünvanlayıb.

Klubun müraciəti və bu oyuna Azərbaycanda marağın böyük olması nəzərə alınaraq, Tofiq Bəhramov adına Respublika stadionunda matçı canlı izləyənlər azarkeşlərin daşınması məqsədilə metropolitenin iş rejimində müvafiq dəyişiklik edib. Bakı metropoliteni martın 7-dən 8-nə keçən gecə saat 01:00-a qədər sərnişinlərin girişinə açıq olacaq.

Qeyd edək ki, martın 7-də Tofiq Bəhramov adına Respublika stadionunda keçiriləcək “Qarabağ” – Bayer” oyunu saat 21:45-də başlayacaq.

Oxşar xəbərlər

"Qarabağ"a görə metro 1 saat artıq işləyəcək

Metropolitenin iş rejimində dəyişiklik ediləcək - “Qarabağ”a görə

Metropolitenin iş rejimində dəyişiklik edildi - "Qarabağ"a görə

Metronun iş rejimi uzadıldı - "Qarabağ"a görə

Yunanlarla oyun Bakı metrosunu hərəkətə gətirdi - iş rejimi dəyişdi