İyirmi bir yaşadək futbolçulardan ibarət komandalar arasında Avropa çempionatının seçmə mərhələsi çərçivəsində keçiriləcək Belarus–San-Marino oyununun baş hakimi Ömər Paşayev olacaq.

Sportfm.az saytı AFFA-ya istinadla xəbər verir ki, ona Namiq Hüseynov və Mübariz Haşımov kömək edəcəklər. Qarşılaşmada 4-cü hakim funksiyasını Rəhim Həsənov yerinə yetirəcək.

Qeyd edək ki, Belarus–San-Marino oyunu iyunun 7-də Minskdə keçiriləcək.