Avropa Liqasında ölkəmizi təmsil edəcək paytaxt "İnter"i Serbiyaya yola düşüb. 

Sportfm.az xəbər verir ki, ötən gün saat 23:30-da Zaur Svanadzenin rəhbərlik etdiyi komanda Serbiyanın paytaxtı Belqradın hava limanına çatıb. Səfərə 20 nəfərlik heyətlə yollanan "İnter" PİK Belqraddan avtobusla Qərbi Serbiyada yerləşən oyunun keçiriləcəyi Luçani şəhərinə yollanıb. Bu gün və sabah komanda bir məşqlə kifayətlənəcək. 

Qeyd edək ki, Avropa Liqasının 1-ci təsnifat mərhələsində baş tutacaq "Mladost"-"İnter" matçı Bakı vaxtı ilə saat 22:30-da başlayacaq.