“Kəpəz” Azərbaycan çempionatlarında 1000-ci qolu vurub.
Sportfm.az xəbər verir ki bu, Misli Premyer Liqasının 5-ci turuna təsadüf edib.

“Sabah”la Tovuz şəhər stadionunda keçirilən ev oyununda 2:3 hesabı ilə uduzan Gəncə təmsilçisinin ilk qolu yubiley xarakteri daşıyıb.

“Kəpəz”in 1000-ci qolunu Viktor Braqa vurub. Bu rəqəmi 1001-ə də çatdıran komanda 651-ci oyununda buna nail olub. Komandanın orta məhsuldarlığı 1,54-ə bərabərdir.

“Kəpəz” evdə 619, səfərdə 372, neytral meydanda 10 qola sevinib. Qərb təmsilçisi Azərbaycan çempionatları tarixində 1000 və daha çox qol vuran 3-cü komandadır. Yalnız “Neftçi” və “Qarabağ” daha çox fərqlənib.

Qeyd edək ki, “Kəpəz”in ilk qolunu 1992-ci il mayın 3-də “Turan”la ev oyununun (2:1) 21-ci dəqiqəsində Cavid Əhmədov vurub.

Oxşar xəbərlər

Bombardirdən yubiley qolu

“Kəpəz”in futbolçusu 50-yə çatdı

"Qarabağ"dan 600-cü səfər qolu

“Neftçi” 1000-i yarıladı

“İnter”in 650-ci qolunu kim vurdu?