Avropa Liqasının 2-ci təsnifat mərhələsinin cavab matçında "İnter" səfərdə "Fola"ya 4-1 hesabı ilə məğlub olaraq mübarizəni dayandırdı. 

Sportfm.az saytı xəbər verir ki, oyunsonrası mətbuat konfransında komandamızın baş məşqçisi Zaur Savanadze bunları deyib:"Təəssüf ki, azarkeşləri sevindirə bilmədik. Növbəti mərhələyə keçmək şansımız var idi, lakin alınmadı. Paradoksal haldır ki, burada Bakıda oynadığımızdan daha yaxşı oynadıq. Yaxşı anlardan istifadə etməyi bacarmadıq. Sadəcə, cəfəng qollar buraxdıq. Bu futboldur, demək olar ki, həmişə bəxt gətirmir. Amma bəxtə layiq olmaq da lazımdır".

Qeyd edək ki, "İnter" ilk oyunda 1-0 hesabı ilə qalib gəlmişdi.