"Qarabağ" növbəti transferini rəsmiləşdirib.

Sportfm.az xəbər verir ki, bu barədə klubun mətbuat xidməti məlumat verib.

Ağdam təmsilçisi ötən mövsümdə İspaniyanın “Rayo Valyekano” klubunda çıxış edən Joni Montieli heyətinə qatıb. Futbolçu ilə 2+2 illik müqavilə imzalanıb. Hücumameylli yarımmüdafiəçi “Qarabağ”da 9 nömrəli forma ilə çıxış edəcək.

26 yaşlı sol vinger “Rayo Valyekano”nun yetirməsidir. O, 2015-ci ildə əsas komandaya keçib. Joni klubda keçirdiyi 10 ildə “Toledo”, “Deportivo” (La-Korunya), “Ovyedo”, “Valyadolid”, “Levante” və “Burqos” klublarında icarədə olub. O, İspaniyanın U-17, U-18 və U-19 yığmalarının formasını geyinib.

Qeyd edək ki, "Qarabağ" bunadək Dani Bolt (Son klubu "Torreense", Portuqaliya), Pedro Bikalyo ("Alverka", Portuqaliya), Kris Kuaku ("Mafra", Portuqaliya), Sami Mmaeeni ("Dinamo" Zaqreb - icarə) transfer edib.

Oxşar xəbərlər

"Levante"nin sabiq futbolçusu "Qarabağ"da - FOTO

"Qarabağ"dan səs-küylü transfer - Semi Mmae Ağdam klubunda

"Qarabağ"dan ikinci transfer

"Qarabağ" ukraynalı futbolçnun transferini açıqladı - RƏSMİ

“Qarabağ” yeni transferini açıqladı - RƏSMİ