“Ukrayna millisi sabah meydanda öz gücünü göstərməyə çalışacaq”.

Sportfm.az xəbər verir ki, bunu Ukrayna millisinin baş məşqçisi Sergey Rebrov mətbuat konfransında deyib.

O, Bakıda Azərbaycan yığmasına qarşı keçirəcəkləri DÇ-2026-nın seçmə mərhələsinin oyunu ilə bağlı fikirlərini bölüşüb:

“Rəqib komandanın baş məşqçisinin bu gün postundan ayrılması bizim oyunumuza da yəqin ki, təsir edəcək. İstənilən halda, bu matça ciddi hazırlaşmışıq. Sabah meydanda öz gücümüzü göstərməyə çalışacağıq. Baş məşqçi Fernandu Santuşun Azərbaycan millisindən getməsi yəqin ki, rəqib komandanın futbolçularına xüsusi motivasiya verəcək. Onlar da qələbə üçün meydana çıxacaqlar. Lakin biz 3 xalı qazanan tərəf olmaq istəyirik”.

Sentyabrın 9-da “Liv Bona Dea Arena”da keçiriləcək Azərbaycan – Ukrayna matçı saat 20:00-da start götürəcək.

Oxşar xəbərlər

Rüstəm Əhmədzadə millidə - Heyətdə dəyişiklik

“Azarkeş dəstəyi bizim üçün önəmlidir" - Elmar Baxşıyev

Azərbaycan Macarıstana qarşı - Yoxlama görüşü

"Futbolçularımda yaxşı motivasiya var" - Fernandu Santuş

“Oyuna ciddi hazırlaşmışıq" - Emin Mahmudov