Bu gün 25-ci Qış Olimpiya Oyunlarının açılış mərasimi keçiriləcək.

Sportfm.az xəbər verir ki, yarışlar İtaliyanın Milan və Kortina d Ampezzo şəhərlərində təşkil olunacaq.

Fevralın 4-də qarışıq cütlüklərin kerlinq turniri ilə Olimpiya Oyunlarına start verilib.

Bugünkü açılış mərasimi Milandakı “San-Siro” stadionunda olacaq və yerli vaxtla 20:00-da (Bakı vaxtı ilə saat 23:00) başlayacaq.

Qış Olimpiya Oyunlarında 16 idman növü üzrə 116 medal uğrunda yarış olacaq ki, bu da 2022-ci il Pekin Oyunlarından yeddi medal çoxdur.

Xatırladaq ki, Azərbaycanı Olimpiadada dağ xizəyində Anastasiya Papatoma, fiqurlu konkisürmədə isə Vladimir Litvintsev təmsil edəcək. Fiqurlu konkisürmə yarışları bu gün, dağ xizəyi üzrə mübarizə isə fevralın 7-də başlayacaq. Gender bərabərliyi prinsipinə uyğun olaraq, açılış və bağlanış mərasimlərində Azərbaycan bayrağını hər iki idmançı daşıyacaq.

Oxşar xəbərlər

MDB Oyunlarının açılış mərasimi keçiriləcək

III MDB Oyunlarında Azərbaycanın bayraqdarları açıqlandı

Yeni dünya rekordu - Pekin-2022

Bu gün XXIV Qış Olimpiya Oyunlarının açılış mərasimi keçiriləcək

XV Yay Paralimpiya oyunlarının açılış mərasimi keçirilib