Azərbaycanın tanınmış güləşçiləri Xırdalanda məktəblilərlə görüşüb.

Sportfm.az xəbər verir ki, yunan-Roma güləşi üzrə olimpiya mükafatçısı, dünya və Avropa çempionatının mükafatçısı Rasul Çunayev və qadın güləşi üzrə U15 yığma komandanın məşqçisi, U23 Avropa çempionatının mükafatçısı Solmaz Adilova 11 saylı tam orta məktəbdə qonaq olub.

Onlar yeniyetmə və gənclərə qazandıqları uğurlar, bu nailiyyətlərə gedən yolda üzləşdikləri çətinliklər barədə fikirlərini bölüşərək, onlara öz tövsiyələrini çatdırıblar.

Daha sonra veteran güləşçilər müxtəlif fəndlərin icrasını nümayiş etdirib və xalça üzərində mübarizə zamanı diqqət edilməli məqamları izah edib.

Qeyd edək ki, belə görüşlərin və ustad dərslərinin keçirilməsində məqsəd gənc nəslin sağlam ruhda böyüməsinə dəstək vermək, motivasiyanı artırmaq, güləşlə bağlı maarifləndirməni gücləndirmək və bu sahədə keyfiyyətin yüksəldilməsidir.

Oxşar xəbərlər

Güləşçilərimiz bu dəfə Şuşa və Laçında oldu

Yunan-Roma güləşi üzrə açıq məşq keçirilib

Azərbaycanda 2024-cü ilin "İdman səfirləri" bilindi

Yunan roma güləşi Qazağa daşındı

Semyon Çterev: "Qızıl Qran Pri"nin final mərhələsi dünyanın ən güclü güləş turnirlərindən biridir