Qadın voleybolçular arasında 2018-ci ildə Yaponiyada keçiriləcək dünya çempionatına daha 2 yığma vəsiqə qazanıb.

Sportfm.az saytı apasport.az-a istinadən xəbər verir ki, bu, DÇ-2018-in Afrika çempionatının nəticəsinə əsasən rəsmiləşib.

Belə ki, yarışın finalına yüksələn Keniya və Kamerun voleybolçuları mundialda iştirak hüququna da yiyələniblər. Onlar çempionu bu gün müəyyənləşdirəcəklər.

Bununla da mundialın 24 iştirakçısından 19-nun adına aydınlıq gəlib. Bunlar ev sahibi Yaponiya, Cənubi Amerikadan Braziliya, Avropadan Rusiya, Serbiya, Türkiyə, İtaliya, Azərbaycan, Almaniya, Hollandiya, Bolqarıstan, Asiyadan Çin, Cənubi Koreya, Tailand, Qazaxıstan, Şimali və Mərkəzi Amerika, Karib Dənizi Hövzəsi ölkələrindən Kuba, Kanada, Afrikadan Keniya və Kamerun milliləridi. Digər komandalar isə Okeaniya və NORCECA zonaları üzrə baş tutacaq yarışların nəticəsinə əsasən bilinəcək.

Oxşar xəbərlər

Voleybolçularımızın rəqibləri bəlli oldu - İslam Həmrəyliyi Oyunları

Dünya çempionatına 29 ölkə vəsiqə qazandı - SİYAHI

Tokio-2020-də iştirak edəcək bütün futbol komandaları - SİYAHI SİYAHI

Millimiz ABŞ və Rusiya yığmaları ilə bir qrupda

Azərbaycan millisi üçün Yaponiyada 6 məkan - FOTO