AFFA milli komandalarımızın baş məşqçiləri ilə bağlı yeni qərar qəbul edib.

Sportfm.az saytı yenicag.az-a istinadən bildirir ki, assosiasiya rəhbərliyi U-17 millimizin baş məşqçisi Mirbağır İsayevlə U-19-un çalışdırıcısı Təbriz Həsənovu tutduqları postlardan uzaqlaşdırıb.

Buna isə yığmaların hər iki baş məşqçinin rəhbərliyi altında uğursuz çıxışı səbəb olub.

Əldə etdiyimiz məlumata görə, U-21 millimizin baş məşqçisi Samir Ələkbərovu da eyni aqibət gözləyir.

Qeyd edək ki, U-17 millimiz son olaraq Avropa çempionatının seçmə qrup mərhələsində uğursuz çıxış edib. Mirbağır İsayevin rəhbərlik etdiyi milli İrlandiyaya 0:6, Ukraynaya 1:6 hesabı ilə məğlub olub, yeganə qələbəsini isə Bolqarıstan üzərində qazanıb - 2:1.

Təbriz Həsənovun başçılıq etdiyi U-19 isə Avropa çempionatının ilkin seçmə mərhələsində Kipr yığmasına 1:2, Serbiyaya 1:4 hesabı ilə uduzub, İrlandiya ilə isə qolsuz bərabərə qalıb.

Oxşar xəbərlər

U-17 və U-19 millilərinin baş məşqçiləri ilə müqaviləyə xitam verildi

“Qərarı AFFA rəhbərliyi və Qurban Qurbanov verəcək”

Millimiz son turda qələbə qazandı

17 yaşlılarımız "ənənəyə" sadiq qaldı

Yığmamızın məşqçi postunda yeni "dəyiş-düyüş"