Bu gün AFFA-nın İntizam Komitəsinin iclası keçirilib.

Sportfm.az xəbər verir ki, yığıncaqda Premyer Liqanın X turunda baş verənlər müzakirə olunub.

"Qarabağ" - "Səbail" matçının 43-cü dəqiqəsində qırmızı vərəqə alan Ansi Aqolli 1 oyun cəzalanıb. Albaniyalı Ağdam klubunu 200 ziyana salıb.

"Neftçi" - "Sumqayıt" qarşılaşmasında 5 futbolçusu sarı vərəqə ilə cəzalanan qonaqlar 800 manat cərimə ödəyəcək.

"Zirə" - "Qəbələ" oyununda 7 üzvü sarı vərəqə ilə cəzalanan meydan sahiblərinin də cəriməsi eyni olub.

Bu matçın 43-cü dəqiqəsində "Qəbələ" futbolçusu Cavid Hüseynov aqressiv davranışa görə birbaşa qırmızı vərəqə alıb. Komitə rəqibi vuran yarımmüdafiəçini 3 oyun cəzalandırıb. "Qəbələ" isə 2400 manat cərimələnib.

Oxşar xəbərlər

“Turan Tovuz” cərimə edildi

AFFA "Qarabağ"ı cərimələdi

I Divizion klublarının cəzası açıqlandı

Cavidin cəzası açıqlandı

AFFA-dan cərimələr