2020-ci ildə 13 şəhərdə təşkil olunacaq futbol üzrə Avropa çempionatına hazırlıq işləri ilə tanış olmaq məqsədilə UEFA nümayəndələri Bakıya səfərə gəliblər.

Sportfm.az xəbər verir ki, noyabrın 17-də AFFA-nın inzibati binasında baş katib Elxan Məmmədovun rəhbərlik etdiyi nümayəndə heyəti “Avro-2020”nin ev sahibi ölkələrin layihələrinin rəhbəri Guillaume Poisson və Fan-zonalar üzrə menecer Tomas Qlur ilə görüşüb.

UEFA nümayəndələrinə “Avro-2020” ilə bağlı görülmüş işlər barədə məlumat verilib, onları maraqlandıran suallar cavablandırılıb.

Qitə futbol qurumunun təmsilçiləri səfər müddətində “Avro-2020” zamanı yaradılacaq fan-zonaların yerləşəcəyi ərazilərə də baxış keçirəcəklər.

Xatırladaq ki, “Avro-2020”nin 4 oyunu (qrup mərhələsinin üç, dörddəbir final mərhələsinin bir görüşü) Bakı Olimpiya Stadionunda təşkil olunacaq.

Oxşar xəbərlər

AFFA UEFA-ya təsdiq göndərdi - AVRO-2020 ilə bağlı

Elxan Məmmədov SOCAR-ın nümayəndəsini salamladı - FOTO

70 nəfərlik heyət Bakıya gəldi - Avro-2020 üçün

Avro-2020: Bakıda keçiriləcək oyunların tarixi açıqlandı

UEFA nümayəndələri Elxan Məmmədovla görüşdü