Anxel Mariya Vilyar İspaniya Krallığının Futbol Federasiyasının (RFEF) prezidenti postundan uzaqlaşdırılıb.

Sportfm.az xəbər verir ki, bu barədə İspaniya İdman Arbitraj Məhkəməsi qərar qəbul edib.

A.M.Vilyar bir müddət öncə İspaniya Ali İdman Şurası (CSD) tərəfindən RFEF-in prezidenti postundan uzaqlaşdırılmışdı. Tanınmış funksioner bu il iyulun 18-də oğlu Qorka və RFEF-in vitse-prezidenti Xuan Pardon ilə birlikdə İspaniya vətəndaş qvardiyasının bölmələrinin keçirdiyi reyd zamanı həbs olunublar.

Onlar 45 milyon avroya yaxın məbləğin mənimsənilməsində ittiham edilirlər. Həmçinin 67 yaşlı funksioner RFEF rəhbəri seçkisində təşkilatın vəsaiti ilə regional federasiyaların rəhbərlərini satın almaqda şübhəli bilinir.

Qeyd edək ki, Anxel Vilyar mayda yenidən seçildiyi RFEF-ə 29 ildir başçılıq edirdi. O, FİFA Şurasının böyük vitse-prezidenti kimi Mişel Platini azad olunduqdan sonra UEFA prezidenti səlahiyyətlərini icra edib. (report.az)

Oxşar xəbərlər

İspaniya klubları avrokuboklardan kənarlaşdırılır! - FİFA və UEFA müdaxiləyə dözmür

Futbol federasiyasının vitse-prezidenti saxlanıldı

İspaniyalı UEFA-nı tərk etdi

Federasiya prezidenti korrupsiyada ittiham olunur

UEFA prezidentliyinə namizədlər təsdiqləndi