Almaniya millisinin baş məşqçisi Yoahim Löv EURO 2016-nın yarımfinal oyunu öncəsi problemlərlə üzləşib.

Qol.az-ın xəbərinə görə, Mario Qomesin zədə, Mats Hummelsin sarı vərəqə cəzası səbəbindəb həmin qarşılaşmanı buraxacağı dəqiqləşib. Bundan başqa, zədəli Samir Xedira və Bastian Şvaynştaygerin həmin görüşdə iştirakı sual altındadır.

"Əlbəttə, belə mühüm matç ərəfəsində vacib oyunçuları itirmək xoş hal deyil. Xüsusilə Qomesi qeyd edə bilərəm. O, EURO 2016-da təkcə qol vurmaqla deyil, həm də yaxşı oyunu ilə komandasına kömək edib. Biz indi vəziyyətdən çıxış yolu axtarmalıyıq. Bizim güclü komandamız var. Əminəm ki, yarımfinal oyuna tam hazır olacağıq” – deyə Yoahim Löv Almaniya Futbol Federasiyasının saytına bildirib.