İdman Arbitraj Məhkəməsi (CAS) rusiyalı kerlinqçilər Anastasiya Brızqalova və Aleksandr Kruşelnitskini 2018-ci il Olimpiadasının bürünc medallarından məhrum edib.

Sportfm.az xəbər verir ki, Kruşelnitski antidopinq qaydalarını pozduğuna görə CAS bu cütlüyün 2018-ci il olimpiadasında göstərdiyi nəticəni ləğv edib. Pxençxanda Olimpiya Oyunları dövründə Kruşelnitskinin dopinq yoxlamasının nəticəsi müsbət olub.

Məhkəmə Kruşelnitskinin Olimpiya Oyunları dövründə yarışlardan kənarlaşdırılması barədə qərar çıxarıb. İdmançı məhkəmənin bu qərarı ilə razılaşıb, eyni zamanda Oyunlar başa çatandan sonra diskvalifikasiya müddətinin ləğv edilməsi və ya azaldılması üçün müraciət etmək hüququnu saxlayıb.

Fevralın 22-də CAS-ın səyyar briqadası bu məsələ ilə əlaqədar dinləmə keçirməli idi, lakin tərəflərin yazılı xahişinə əsasən həmin dinləmə ləğv edilib.

Oxşar xəbərlər

Rusiyalı idmançı diskvalifikasiya edildi - 4 il müddətinə

Rusiyalı idmançılar diskvalifikasiya olundular

Olimpiya medalları əl dəyişdirə bilər

Rusiyalı idmançının dopinqdən yararlandığı təsdiqləndi

İdman Arbitraj Məhkəməsi Beynəlxalq Olimpiya Komitəsinin qərarını ləğv etdi