Topaz Premyer Liqasında 2017/18 mövsümünün qalibi müəyyənləşib.

Sportfm.az xəbər verir ki, 24-cü turun bu gün keçirilən oyunlarından sonra Ağdamın “Qarabağ” klubu Azərbaycan çempionu titulunu qazanıb.

"Qarabağ" səfərdə “Sumqayıt”ı Dani Kintananın qolu sayəsində 1:0 hesabı ilə məğlub edərək Premyer Liqanın sonuna 4 tur qalmış qızıl medalları təmin edib.

Bununla da “Qarabağ” ümumilikdə 6-cı, ardıcıl 5-ci çempionluğunu qazanıb. İlk dəfə 1993-cü ildə qızıl medallara yiyələnən ağdamlılar 2013/14, 2014/15, 2015/16, 2016/17 mövsümlərinin ardından 2017/18 mövsümündə də hamıdan güclü olub. Qurbanovun komandası həm də ardıcıl qızıl medal sayında öz rekordunu yeniləyib.

Qeyd edək ki, ümumilikdə 8 komanda qızıl medallara sahib olub və “Qarabağ” çempionluq sayında yalnız “Neftçi”dən geri qalır. Bakılılar 8, Ağdam klubu 6 dəfə yarışın qalibi olubsa, “Kəpəz”in 3, “Şəmkir”, “Keşlə” (“İnter” adlandığı vaxt) və “Bakı”nın hərəyə 2, “Turan”la “Xəzər Lənkəran”ın hərəyə 1 çempionluğu var.

Oxşar xəbərlər

18-ci titul və təkrarlanan rekord

“Neftçi”dən rekord, “Sumqayıt”dan bir ilk - Premyer Liqa

"Neftçi" qış çempionu oldu - 9-cu dəfə

Mükafatlar rekordçulara nəsib oldu - STATİSTİKA

Ardıcıl 5-ci qış çempionluğu - Ağdam klubunun daha bir uğuru