Bosniya və Herseqovina yığmasının hücumçusu Edin Dzekonu transfer etmək istəyən "Qalatasaray” klubunun bu arzusu həyata keçməyib. Apasport.az "ajansspor”a istinadən xəbər verir ki, 30 yaşlı futbolçu karyerasını "Roma”da davam etdirməyə qərar verib. O bildirib ki, "Roma”nı başqa komandaya dəyişmək fikrindən uzaqdı: "Haqqımda yayılan transfer xəbərləri real deyil. "Roma”dan ayrılmaq istəsəydim, bunu yanvarda edərdim. Əlimdən gələni edəcəm ki, əsas heyətdə möhkəmlənim”.

 

Qeyd edək ki, ötən mövsümü icarə əsasında "canavarlar”ın heyətində keçirən Dzekonun transfer hüququ artıq "Roma”ya məxsusdu.