Açılış mərasimi dünən keçirilən Rio-2016 Olimpiya Oyunları tarixinə düşüb. Apasport.az saytının məlumatına görə, Braziliyada təşkil olunan XXXI Yay Olimpiya Oyunlarında rekord sayda qadın idmançı iştirak edəcək. İlk dəfə 1900-cü ildə bu yarışlara qatılan qadınlar həmin vaxt 22 idmançı ilə təmsil olunmuşdu. 997 atletin cəmi 2,2 faizi xanımlar idi.

 

Braziliyada isə 4700 qadın idmançı olacaq. Bu da ümumi iştirakçı sayının 45 faizidi. Faiz nisbətində London-2012-nin göstəricisi 0,8 faiz yaxşılaşdırılıb.