Rusiyada təşkil olunmuş dünya çempionatının daha bir iştirakçısı FİFA tərəfindən cəzalandırılıb. 

Sportfm.az xəbər verir ki, ali futbol qurumu Argentina Futbol Federasiyasını 105 min dollar cərimə edib. 

Bu barədə FİFA-nın mətbuat xidməti məlumat yayıb. Buna iyunun 21-də keçirilmiş Xorvatiya ilə oyunda (0:3) argentinalı fanatların iğtişaşlar törətməsi səbəb olub. 

Matçın gedişində argentinalılar xorvat tərəfdarlarla dava etmiş, oyunun keçirildiyi “Nijni Novqorod” stadionuna ziyan vurmuşdular. 

Bundan əlavə, matçdan sonra argentinalı futbolçular miks-zonada jurnalistlərlə söhbətdən imtina etmişdilər. 

FİFA baş verənlərlə əlaqədar Xorvatiya Futbol İttifaqını da 13 min dollar məbləğində cərimə edib.

Oxşar xəbərlər

Argentina - Xorvatiya oyununun hakimləri - DÇ-2022

Serblər Kosovo bayrağına görə cərimələndi - Qərar

FİFA sabiq vitse-prezidentə ömürlük cəza verdi

FIFA DÇ-2018-dən qazancını açıqladı

İsveçrədə oturub, İsveçrəni cərimələdilər