"Trabzonspor" millimizin futbolçusu Ramil Şeydayevlə yolları ayırmağa qərar verib.

Sportfm.az xəbər verir ki, 22 yaşlı oyunçunun təlim-məşq toplanışındakı çıxışı klubun baş məşqçi heyətini  qane etməyib. Bununla bağlı klub rəhbərliyinə məlumat verilib. Komandanın baş məşqçisi Ünal Karaman gənc hücumçunun ehtiyat oyunçular skamyasında oturmaq şansının belə olmadığını vurğulayıb.

Bundan sonra rəhbərlik R.Şeydayevin "Trabzonspor"dan alacaqları qarşılığında ona azad agent statusu verməyi təklif edb. Ancaq millimizin üzvünün bu təklifə müsbət cavab vermədiyi bildirilib.

Qaradəniz təmsilçisi ilə 2020-ci il mayın 30-na kimi müqaviləsi olan R.Şeydayevin gələcəyinin yaxın günlərdə müəyyənləşəcəyi gözlənilir.

Oxşar xəbərlər

Ramil Şeydayevlə bağlı qəti qərar

Karaman Şeydayevin satılmasını istədi - Ramili hansı klub alacaq?

Baş məşqçi Ramil Şeydayevlə bağlı fikrini dəyişdi

"Trabzonspor" Ramil Şeydayevlə bağlı qərar verdi

Şeydayevin işi düyünə düşdü, "Trabzonspor"da məşqlərə qatıldı!