Azərbaycan Üzgüçülük Federasiyası (ASF) bədii üzgüçülük üzrə məşqçi Yekaterina Matviyenko ilə əməkdaşlığa start verib.

Sportfm.az xəbər verir ki, bədii üzgüçülük üzrə idman ustası müxtəlif illərdə Ukrayna, Misir və Rusiyada məşqçi kimi çalışıb, o cümlədən Misirin Olimpiya və yeniyetmələrdən ibarət bədii üzgüçülük üzrə milli komandalarında fəaliyyət göstərib.

Son illərdə Krasnodar şəhərində bədii üzgüçülük klubunun baş məşqçisi olmuş mütəxəssis ASF-nin rəsmi veb-saytı ilə fikirlərini bölüşüb:

“Mən dünyanın ən güclü bədii üzgüçülük ənənələrindən birinə malik olan Rusiya məktəbini təmsil edirəm və məqsədim qazandığım zəngin təcrübəni Azərbaycanda tətbiq edərək həm Bakıda, həm də regionlarda bədii üzgüçülüyün texniki bazasının möhkəmlənməsinə, peşəkar inkişafına və kütləviləşməsinə töhfə verməkdir”.

Oxşar xəbərlər

Üzgüçülük üzrə dünya kuboku Azərbaycanda keçiriləcək

Millimizin yeni baş məşqçisi açıqlandı

Üzgüçülük Federasiyasında yeni təyinat

Olimpiya idman növünün adı dəyişdi

Çingiz Abdullayev:"Mən həmişə demişəm ki, futbol..."