Ukrayna və İtaliya yığmaları arasında keçiriləcək futbol matçı 43-cü dəqiqədə dayandırılacaq. 

Sportfm.az xəbər verir ki, buna səbəb İtaliyanın Genuya şəhərində baş verən körpü faciəsinin anılmasıdır. Hakinin fiti ilə vəfat edən insanlar 1 dəqiqəlik sükutla yad ediləcək. Həmçinin, oyunçular meydana "Genuya ürəklərdədir" futbolkası ilə çıxacaq. 

Qeyd edək ki, bu il avqustun 14-də Genuyada yerləşən Morandi körpüsünün bir hissəsininn uçması nəticəsində 43 nəfər dünyasını dəyişib.