Azərbaycanlı K-1 döyüşçüsü Zabit Səmədov Çeçenistanın ilk prezidenti Əhməd-Hacı Kadırovun xatirəsinə həsr olunmuş peşəkar kikboksinq turnirdə iştirak edəcək. Sportfm.az saytının Çeçenistanın paytaxtı Qroznıya ezam olunan xüsusi müxbiri xəbər verir ki, turnir bu gün "Kolizey” idman sarayında keçiriləcək. "WBC Muay Thai” versiyası üzrə dünya çempionu titulu uğrunda döyüşdə Zabit Səmədovun rəqibi məşhur rumın döyüşçü Katalin Moroşanu olacaq. Artıq avqustun 22-də döyüşöncəsi idmançıların ənənəvi çəkisinin ölçülməsində hərarətli anlar yaşanıb. Belə ki, Zabit Səmədovla üz-üzə gələn rumın idmançı gözlənilmədən rəqibini itələyərək vurmaq istəyib. Çeçenistan prezidenti Ramzan Kadırovunda izlədiyi tədbirdə aranın qarışmasına imkan verməyiblər.  Onu da qeyd edək ki, hazırda Z.Səmədov "Axmat" kikboksinq klubuna rəhbərlik edir.